Në “Info Nata” në Tëvë 1, Kasumi-Berisha theksoi se një gjendje e tillë është rezultat i keqmenaxhimit të ndërmarrjes rajonale “Pastrimi”, kompani kjo e cila siç thotë ajo, ka borxhe afro 6-7 milionë euro.
Kasumi-Berisha shtoi se Kuvendi i Prishtinës ka subvencionuar kompaninë “Pastrimi”, e që për këso lloj problemesh do duhej të bëhej një analizë.
“Fillimisht kur ne kemi probleme të tilla, ish dashtë me u bë një analizë nga po rrjedh problemi. A është keqmenaxhim i fondeve, a është keqmenaxhim i resurseve që vet ndërmarrja ka dhe duhet një analizë mbi të cilën analizohet burimi i problemit dhe një strategji që kjo të mos përsëritet. Se kjo nuk është hera e parë që ndërmarrja është subvencionuar prej Kuvendit. Kjo është një gjendje shumë skandaloze, e cila në ditët e sotme, është shumë banale me ndodh”, tha asamblistja e LVV-së.
Komuna e Prishtinës ka nisur sot mbledhja e mbeturinave në Prishtinë.
Në njoftimin e Komunës është bërë e ditur se krejt kjo ka ndodhur për shkak që kompania është bllokuar për një ditë. /Teve1.info/
