Deputeti i Lidhjes Demokratike të Kosovës, Arben Gashi, ka komentuar dështimin e radhës për konstituimin e Kuvendit të Kosovës.
Pas seancës së 21-të që përfundoi pa zgjedhjen e Kryetarit të Kuvendit, Gashi tha se përgjegjësia për dështimin bie mbi Lëvizjen Vetëvendosje, e cila nuk po arrin të sigurojë mbështetjen as për kandidaten e vet, Albulena Haxhiu.
“Suksesin ia mundëson partia e vet e cila po thotë që i ka numrat për qeveri, por s’i ka për Albulenën”, deklaroi Gashi për media.
Ai shtoi se ngërçi institucional mund të tejkalohet vetëm përmes përgjegjësisë politike dhe zgjidhjeve të reja nga Vetëvendosje.
“Kjo situatë është tepruar dhe duhet të tejkalohet sa më shpejt, duhet të formohet Qeveria ose duhet të shkojë ne zgjedhje”, ka thënë Gashi.
