Gjithsej janë 24 qiramarrës që do të kenë në shfrytëzim rreth 472 hektarë tokë e mbjellë me kultura të ndryshme bujqësore, si vreshta, grurë e kaqë, për çka edhe do të mund të aplikojnë për ndihma financiare në Ministri të Bujqësisë.
Vendimi për të vazhduar me kontrata të reja është në përputhje me zotimin e Bordit të Drejtorëve të dhënë në kohën e tërheqjes së aksioneve nga ish-blerësi i “Agrokosovës” dhe kthimin e ndërmarrjes nën administrimin të AKP-së, se punëtorëve dhe shfrytëzuesve të tokave do t’u vazhdohen kontratat nga AKP, në përputhje me interesin e ndërmarrjes për të bashkëpunuar me bujqit me qëllim të funksionimit sa më të mirë të saj dhe zhvillimit të bujqësisë.
Ndryshe, ndërmarrja e re “Agrokosova” është nën administrimin e drejtpërdrejtë të AKP-së./KP
