Policia e Kosovës gjatë patrullimit në rrugën “Vëllezërit Gërvalla” në Ferizaj ka hasur në dy automjete të cilat kanë qenë duke lëvizur me shpejtësi të madhe nën dyshimin se kanë qenë duke garuar mes vete
Sipas policisë pas ndalimit të veturave, dy të dyshuarit kanë filluar përleshjen mes vete.
Kështu ka bërë të ditur për tëvë1, zëdhënësi i policisë për rajonin e Ferizajt, Kanun Veseli i cili ka thënë se dy persona janë arrestuar dhe dy të tjerë janë shoqëruar në stacionin policor.
Ndërkohë, të dyshuarit kanë marrë trajtim mjekësor në Qendrën Emergjente në Ferizaj.
“Lëndim trupor” – Rr. Vëllezërit Gërvalla, Ferizaj Më datën 24.05.2025, rreth orës 03:15, gjatë patrullimit në rrugën “Vëllezërit Gërvalla” në Ferizaj, patrulla ka vërejtur dy automjete duke lëvizur me shpejtësi të madhe, me dyshimin se ishin duke garuar. Pas ndalimit, nga veturat përkatëse kanë dalë dy persona (M/SH/K) dhe kanë filluar përleshjen mes vete. Në vendngjarje ka mbërritur edhe një patrullë , ku janë arrestuar të dy personat dhe bashkë me dy të tjerë janë shoqëruar në stacion policor për procedura të mëtejshme (gjithsej 4 persona). Njësia e hetimeve është njoftuar dhe ka intervistuar palët. Të dyshuarit kanë marrë trajtim mjekësor në Qendrën Emergjente në Ferizaj . Me urdhër të prokurorit kujdestar rasti është iniciuar “lëndim trupor” ndërsa personat janë liruar në procedurë të rregullt. Rasti i kompletuar i është referuar njësisë së hetimeve për veprime të mëtutjeshme”, ka deklaruar Veseli./teve1.info/
