Ambasadori gjerman në Kosovë, Jorn Rohde ka reaguar në lidhje me anulimin e konferencës për media në Prishtinë të kryetares së Dhomave të Specializuara të Kosovës, Ekaterina Trandafilova.
Kjo pasi OVL dhe UÇK, në krye me kryetarin Hysni Gucatin protestuan para hotelit ku pritej të mbahej konferenca.
E për këtë, Rohde ka thënë se anulimi i kësaj konference nga veteranët e UÇK-së ngre shqetësime të mëdha.
“Dhomat e Specializuara të Kosovës janë pjesë e sistemit ligjor të Kosovës dhe informimi i publikut është një shtyllë thelbësore e mandatit të saj. Anulimi i konferencës për shtyp pas presionit nga veteranët e UÇK-së ngre shqetësime të mëdha. Autoritetet duhet të sigurojnë që gjykata të mund ta kryejë punën e saj pa pengesa”, ka shkruar Rohde në platformën “X”.
Ndryshe, të martën veteranët e luftës së Ushtrisë Çlirimtare të Kosovës protestuan kundër vizitës së kryetares së Dhomave të Specializuara, Ekaterina Trendafilova, e cila për arsye sigurie u detyrua ta anuloj konferencën me gazetarë./teve1.info/
The Kosovo Specialist Chambers are part of the Kosovar legal system & informing the public is an essential pillar of its mandate.
The press conference’s cancellation after pressure from KLA veterans raises grave concerns.
Authorities must ensure that the court can execute its work unhindered.— Ambassador Jörn Rohde (@pristina.diplo.de) May 14, 2025 at 11:05 AM
