Qela në emisionin “Ditari” në Tëvë1, thotë se nuk ka shpresë së veprimtari i çështjes kombëtare Ukshin Hoti është i gjallë.
Sipas tij, një ditë para se t’i përfundonte afati i burgut, Ukshin Hotin e kanë nxjerrë nga aty dhe të njëjtit i janë humbur gjurmët.
“Tri ditë para se të ndodhte sulmi i parë i NATO-s është dashur të lirohet nga burgu Ukshin Hoti të cilit do t’i skadonte afati i burgut më 17 maj, atë e kanë nxjerr nga burgu një ditë me parë dhe i janë humbur gjurmët. Ka arritur që të përshëndetet vetëm me shokët e dhomës dhe me ne dy të tjerë. Unë nuk kam qenë në dhomë me të, por kam qenë afër”, tha Qela.
Qela ka thënë se Ukshin Hotin e kanë pasur halë në sy dhe e kanë keqtrajtuar më shumë se këdo tjetër.
“Ai e ka parandier fatin e tij të keq, por mundësi që ta ndaloj dikë dhe ta largojnë prej rrethinave të burgut nuk ka pasur. Njerëzit mund të mendojnë se është gjallë, unë nuk kam shpresë se është gjallë sepse e kanë pasur halë në sy, ndoshta më shumë se këdo tjetër. Ai ka qenë ndër të burgosurit më së keqtë i keqtrajtuar”, deklaroi ish i burgosuri politik, Raif Qela. /teve1.info/
