Inspektoriati Policor i Kosovës ka njoftuar se një zyrtar policor i dyshuar për vepren penale “ndihma gjatë kryerjes së veprës penale” është arrestuar të mërkurën në Gjakovë.
Sipas IPK-së të njëjtit me aktvendim të prokurorit i është caktuar masa e ndalimit për 48 orë.
Ndërkaq, lidhur me rastin e njëjtë dy zyrtarë të tjerë janë duke u hetuar në procedurë të rregullt me dyshimin për veprën penale “zbulim i fshehtësisë zyrtare”.
Si pjesë e procedurave administrative thuhet se IPK-ja ka rekomanduar suspendimin e tre zyrtarëve policorë të përfshirë si të dyshuar në këtë rast.
“Duke ju referuar kontrollit të realizuar sot nga Inspektorati Policor i Kosovës në bashkëpunim me Prokurorinë Themelore Gjakovë dhe me autorizim të lëshuar nga gjyqtari i procedurës paraprake, hetuesit e IPK-së kanë arrestuar një zyrtar policor me dyshimin për vepren penale “ndihma gjatë kryerjes së veprës penale”. Të njëjtit me aktvendim të prokurorit i është caktuar masa e ndalimit për 48 orë. Lidhur me rastin e njëjtë dy zyrtarë policorë hetohen në procedurë të rregullt me dyshimin për veprën penale “zbulim i fshehtësisë zyrtare” Si pjesë e procedurave administrative IPK ka rekomanduar suspendimin e këtyre zyrtarëve (tre zyrtarëve policorë) të përfshirë si të dyshuar në këtë rast.”, thuhet në njoftim.
Intervistohen katër policë në Gjakovë të dyshuar për dy vepra penale
