Ministri i Brendshëm në detyrë i Kosovës, Xhelal Sveçla sot ka marrë pjesë në ceremoninë e inaugurimit të pikë kalimit kufitar Han i Elezit – Bllacë.
Sveçla ka thënë se qytetarët nuk do të ballafaqohen më me pritje sepse do t`i nënshtrohen një sistemi të kontrollit në hyrje të shtetit përkatës.
Ai tutje tha se policët do të kujdesën për zbatimin e plotë të marrëveshjes si dhe për sigurinë kufitare me qëllim të parandalimit të çdo aktiviteti ilegal.
“Me pjesëmarrje të Kryeministrit të Republikës së Kosovës Albin Kurti, Kryeministrit të Republikës së Maqedonisë së Veriut Hristjan Mickoski, Ministrit dhe homologut tim Pançe Toshkovski dhe kabineteve qeveritare të dy shteteve tona, sot inauguruam pikë kalimin e përbashkët kufitar Han i Elezit – Bllacë. Qytetarët më nuk do të ballafaqohen me pritje sepse do ti nënshtrohen një sistemi të kontrollit në hyrje të shtetit përkatës. Policët tanë kufitar do të kujdesen për zbatimin e plotë të marrëveshjes ashtu si edhe për sigurinë kufitare me qëllim të parandalimit të zhvillimit të çdo aktiviteti illegal”, ka shkruar minsitri./teve1.info/
