Këto deklarata ai i bëri në emisionin “Ditari” në Tëvë 1, duke treguar se në cilat forma është bërë kjo shkelje nga Dhomat e Specializuara në Hagë.
“Dhe është shoqëruar me shkelje esenciale të dispozitave penale, shkelje të ligjit penal dhe sa i përket gjendjes faktike mendoj që nuk është vërtetuar fare sepse nuk bëhet fjalë që kanë penguar drejtësinë. Shkelje e dispozitave të procedurës penale lidhen me shkeljen e ligjit penal dhe dhënien e arsyeve që parashihen në procedurën penale të Kosovës dhe DHS sepse Ligji për DHS e thekson në kapitullin ku parashihen ligjet që do të zbatohet Kodi i procedurës penale të Kosovës”, shton ai.
Sipas Musës, në aktgjykimin e shpallur nga Specialja nuk është treguar se në çfarë forme ata kanë penguar punën e Gjykatës dhe se nuk përmendet se cilët dëshmitarë i kanë frikësuar dhe në cilën kohë e vend.
“Dhe gjatë referimit që bëri gjyqtari i DHS në asnjë rast nuk iu referua një rasti konkret por të gjitha ato çka u përpoq të arsyetojë ishin të përgjithësuara dhe asnjë konkrete, në veprat penale duhet saktësuar koha. Jam i bindur që ai gjyqtar dhe prokuror në vendin e tyre nuk do të kishin filluar procedurë siç kanë bërë ndaj dy ish-liderëve të OVL-së”, shtoi avokati./teve1.info/
