Zyra e Rregullatorit për Energji (ZRrE), ka ftuar mediat në takim, për të diskutuar çështjen e tarifave të energjisë elektrike.
Takimi tashmë ka nisur me gazetarë pas disa vonesave që kishte – pasi që fillimisht nga ky institucion iu kërkua mediave që mos të xhirojnë takimin.
Megjithatë pas insistimit të përfaqësuesve për media dhe paralajmërimeve për bojkot të takimit, nga ZRRE lejuan transmetimin e tij
ZRRE ka paralajmëruar rritje për 15 për qind, nga ky muaj, të faturave të energjisë elektrike. Kërkesa për rritje të çmimit të rrymës ka ardhur nga kompanitë e sektorit të energjisë në Kosovë.
Në 5 prill në Prishtinë është mbajtur protestë nga grupi “Asnjë Cent ma Shumë”, duke kërkuar që të mos merret vendim për shtrenjtimin e energjisë elektrike.
Protesta kundër shtrenjtimit të energjisë elektrike do të vazhdojë edhe këtë të premte, kanë njoftuar në grupin “Asnjë cent më shumë”.
Vazhdimi i protestës u paralajmërua edhe në fund të protestës së parë që u mbajt të shtunën, ku qindra qytetarë vërshuar sheshin e Prishtinës.
