Donika Kadaj –Bujupi, këshilltarje e presidentes, Vjosa Osmani i ka reaguar ministrit në detyrë të Financave, Hekuran Murati, i cili dha kritika për presidenten se kërkesën për heqjen e tarifave për mallrat nga ShBA e bëri publike 3 minuta pas dërgesës zyrtare.
Kadaj –Bujupi duke folur për atë çfarë tha Murati se që nga viti 2023 kanë biseduar për marrëveshjen e një tregtie të lirë me ShBA-në, ka thënë se do se “për disa çështje paska kohë me shqyrtua sa të dojë, e për disa tjera s’po ngutët hiç”.
Ajo ka thënë se ekzekutivi është me vepru jo me shqyrtua.
“Na paska njoftu edhe që prej 2023-ës e paska “shqyrtu” këtë propozim. Paskemi prit boll atëherë! Ama për disa çështje paska kohë me shqyrtu sa të dojë, e për disa tjera s’po ngutët hiç. Për invalidët e luftës, për shembull, iu dasht me u marrë me buxhetin për proteza derisa njerëzit kanë mbet në shtrat, tuj prit për një shtraf… Qenka i shpejtë vetëm kur i konvenon!E marrëveshjet me Katarin? Një prej aleatëve më të mëdhenj të Amerikës, me potencial të madh për investime? Edhe ato i ke mshelë në sirtar, tu prit mos po shqyrtohen vetë. E paske thonë që puna e tarifave osht çështje e ekzekutivit. Ama puna e ekzekutivit është me vepru, jo me të shku mandati tu “shqyrtu’”, ka shkruar ajo.
Një ditë pas vendimit të Trump për vendosjen e tarifave për shumë vendet të botës, përfshirë edhe Kosovën, Osmani ka kërkuar nga Qeveria që të heq tarifat për mallrat amerikane.
Murati thotë se diskutimet për tregti të lirë me SHBA-në nisën në 2023, ka vërejtje për Osmanin
