Kryeministri në detyrë i Kosovës, Albin Kurti ka dënuar sulmin e mbrëmshëm në objektin e Postës së Kosovës në Zveçan.
I pari i Qeverisë ka thënë se ky akt dhune është një orvatje për të cenuar sigurinë dhe për të penguar integrimin e qytetarëve në sistemin ligjor dhe institucional të Kosovës.
Derisa, ai tha se mbetet brengosëse fakti që grupe kriminale dhe terroriste, si Millan Radoiçiq, vazhdojnë të mbeten të lire.
Më tej, kryeministri tha se ky sulm është dëshpërim dhe pafuqi e atyre që nuk sundojnë më në veriun e Kosovës.
“Sulmi tinëzar me granatë në terrin e natës është orvatje nga dëshpërimi dhe pafuqia e atyre që nuk sundojnë më në veriun e Kosovës. Posta e Kosovës do të qëndrojë aty si ndërmarrje publike, xhami i ri do të vendoset e shërbimet legale do të vazhdojnë të ofrohen për të gjithë qytetarët”, ka reaguar Kurti./teve1.info/
