Kryeministri i Kosovës, Albin Kurti gjatë mbledhjes së sotme të Qeverisë ka zotuar se në mandatin e ri, Qeveria do t`ia ndan mbi 1 miliard euro ushtrisë.
Kurti tha se në qeverisjen e ardhshme do të ketë fabrikë të municionit dhe dronë ushtarak “Made in Kosova”.
“Buxheti për ushtri është trefishuar, trajtimet jashtë vendit janë katërfishuar, investimet në armatim janë shumëfishuar përfshirë këtu Dronët Bayraktar luftarak dhe kontratën për funksionalizimin e Fabrikës së Municioneve. Në mandatin e ri, ushtrisë do t’ia ndajmë mbi 1 miliard euro. Do të kemi fabrikë të municionit dhe dronët ushtarak “Made in Kosova”, pra, që i prodhojmë vetë. Kemi filluar të blejmë për dallim prej më herët dhe për dallim edhe prej tani do të fillojmë edhe të prodhojmë atë që kemi nisur ta blejmë”, ka deklaruar i pari i Qeverisë./teve1.info/
