Zëvendësministri i Mjedisit dhe Infrastrukturës, Hysen Durmishi ka reaguar për vendimin e Kryetarit të Prishtinës, Përparim Rama, për transportin, e që sipas tij është në kundërshtim me ligjin.
Përmes një njoftimi në Facebook, Durmishi tha se gjatë ditës së premte Ministria ka kërkuar që urgjentisht të shfuqizohet ky vendim.
Durmishi ka thënë se Ministria pret që Komuna e Prishtinës të reflektoj dhe të shfuqizoj këtë vendim deri të hënën.
Sipas tij nëse kjo nuk ndodh atëherë do të veprojnë në bazë të përgjegjësive e kompetencave ligjore që i kanë.
Ai tutje është shprehur se Komuna e Prishtinës nuk ka ende plan të transportit të aprovuar e cili më pastaj do të duhej të dërgohej në ministri që të konstatohej ligjshmëria e tij.
Durmishi po ashtu ka thënë se Komuna nuk ka as rregullore të transportit të miratuar, duke cekur se ky është obligim ligjor dhe çfarëdo plani i transportit nuk duhet që të afektoj linjat ndërurbane.
“Transportuesit e udhëtarëve me autobus për linjat ndërurbane të relacionit Prishtinë – Podujevë dhe anasjelltas veprojnë sipas rendit të udhëtimit të miratuar nga ministria dhe këtë nuk mund ta ndryshoj as Komuna e Prishtinës e as ndonjë Komunë tjetër në Kosovë. Një gjë të tillë mund ta bëjmë vetëm ne si ministri”, ka shkruar Durmishi./teve1.info/
