Komuna e Prishtinës ka apeluar qytetarët që të kenë kujdes gjatë ditës së sotme pasi parashikohet erëra të forta.
Në njoftim thuhet se priten erëra të forta deri në 32 km/h.
“Njoftim për qytetarët e Kryeqytetit, të nderuar qytetarë, sipas parashikimeve të motit, sot në Prishtinë priten erëra të forta deri në 32 km/h. Për sigurinë tuaj, ju lutemi:
Të shmangni qëndrimin pranë objekteve të larta, pemëve dhe strukturave të paqëndrueshme.
Të siguroheni që dritaret dhe dyert e shtëpive apo bizneseve tuaja janë mirë të mbyllura.
Të bëni kujdes gjatë qarkullimit.
Ju faleminderit për bashkëpunimin! Qëndroni të sigurt!”, thuhet në njoftim.
