Lajmin për teve1.info e ka konfirmuar zëdhënësi i Prokurorisë Themelore në Pejë, Shkodran Nikçi.
Ndërkaq, për arrestimin e zyrtarit policor të hënën ka njoftuar edhe Inspektorati Policor i Kosovës.
Sipas njoftimit, ai është arrestuar pasi që dyshohet se ka kryer veprën penale “lëndim i rëndë trupor” dhe “kanosje” ndaj një zyrtareje policore – jashtë detyrës zyrtare.
“Informacionet e para hetuesit e IPK-së lidhur me këtë rast i kishin pranuar nga Policia e Kosovës në Pejë se një zyrtar policor (me gradën e rreshterit) jashtë detyrës zyrtare është i përfshirë si i dyshuar në një rast të lëndimit të rëndë trupor. Hetuesit e IPK-së kanë dalë në vendin e ngjarjes dhe në koordinim me Prokurorin kujdestar kanë ndërmarrë disa veprime hetimore kurse viktima (zyrtare policore) është dërguar për trajtim mjekësor”, thuhet ndër tjerash në njoftim./teve1.info/
