Një person ka raportuar në Polici se në themelin e murit të oborrit ka gjetur një pako metalike në të cilën gjendeshin disa kapsolla eksplozivi të pashpërthyera.
Sipas Policisë rasti ka ndodhur të shtunën në shtëpinë e ankuesit në Llashticë të Gjilanit derisa ai ka qenë duke i kryer disa punime.
Në vendin e ngjarjes thuhet se kanë dalë njësiti i FSK-së për deminim, si dhe KFOR-i të cilët kanë bërë tërheqjen e pakos me eksploziv.
“Ankuesi mashkull kosovar ka njoftuar se deri sa ishte duke i kryer disa punime në shtëpinë e tij, në themelin e murit të oborrit kishte gjetur një pako metalike në të cilën gjendeshin disa kapsolla eksplozivi të pashpërthyera. Në vendin e ngjarjes kanë dalë njësiti i FSK për deminim dhe KFOR të cilët kanë bërë tërheqjen e pakos me eksploziv të cilat dyshohet se i përkasin periudhës se vjetër kohore”, thuhet në raportin 24-orësh të Policisë./teve1.info/
