67 nga gjithsej 188 kuti apo 35.64 për qind e votave të diasporës të ardhura me postë janë numëruar deri më tani.
Kështu është bërë e ditur në të dhënat e përditësuara të shtunën në ora 23:34 të Komisionit Qendror të Zgjedhjeve (KQZ).
Në bazë të këtyre rezultateve Lëvizja Vetëvendosje prin me 52.14 për qind të votave apo 10 mijë e 744 vota.
E dyta është Lidhja Demokratike e Kosovës me 28.40 për qind apo 5 mijë e 853 vota.
E treta në radhë është Partia Demokratike e Kosovës me 7.94 për qind apo 1 mijë e 673 vota.
Ndërkaq, AAK-NISMA i ka 4.76 për qind apo 980 vota.
Pas përfundimit të numërimit të votave nga diaspora do të numërohen votat me kusht dhe ato të personave me nevoja të veçanta./teve1.info/
