Asdren Shala, historian ka thënë se partitë opozitare kanë gabuar që nuk e kanë kundërshtuar Albin Kurtin në tema nacionale.
Sipas tij, ato kanë ranë grackën siç ka thënë ai të analistëve të pushtetit që thonin Kurti s’duhet kritikuar për temat nacionale.
Ai ka thënë se sikurse opozita të kritikonte Kurtin se me marrëveshjen e Brukselit dhe Aneksin e Ohrit, veriu i Kosovës është më i lidhur me Serbinë sesa me Kosovën, ky rezultat nuk do të ishte.
“Partitë politike, gabimin më të madh që e kanë bë është se nuk e kanë kundërshtuar Kurtin në temat nacionale. Paraprakisht ne kemi pas një shtrim të infrastrukturës nga analistë të pushtetit në studio televizive që Kurtin mos e prekni në tema nacionale por kritikone në çështje të brendshme. Unë mendoj që tema nacionale u kanë pika e dobët e Kurtit, që partitë opozitare kanë refuzuar me e kapë. Opozita ka besu që tema e veriut, është pika e fortë nacionale e Kurtit. Veç është desht me marrë marrëveshjen e Brukselit dhe Aneksin e Ohrit edhe me pa që me atë marrëveshje katër komunat veriore më afër janë më Serbinë sesa me Kosovën. Që ky diskurs me u pas shtri në popullatë, në mërgatë, ky rezultat sdo të ishte sot. Diasporën e shqetësojnë vetëm temat nacionale”, ka thënë Shala në emisionin “Këndi i Debatit” në Tëvë1.
