Gjashtë raste të dhunës në familje janë raportuar në Policinë e Kosovës në 24-orët e fundit.
Sipas raportit 24-orësh të Policisë dy raste janë raportuar në Pejë, e nga një rast në Prishtinë, Podujevë, Rahovec dhe në Mitrovicë të Veriut.
Në tri prej këtyre rasteve të dyshuarit janë dërguar në mbajtje.
Pejë / 22.02.2025 – 23:30. Është arrestuar i dyshuari mashkull kosovar për shkak se kishte ushtruar dhunë ndaj bashkëshortes së tij viktimës femër kosovare. Pas inicimit të rastit i dyshuari me vendim të prokurorit është dërguar në mbajtje.
Pejë / 23.02.2025 – 18:04. Është arrestuar i dyshuari mashkull kosovar pasi që i njëjti e ka sulmuar fizikisht bashkëshorten e tij viktimën femër shtetase e Shqipërisë të cilës i ka shkaktuar lëndime trupore. Palët janë intervistuar dhe me vendim të prokurorit i dyshuari është dërguar në mbajtje.
Prishtinë / 23.02.2025 – 20:00. Viktima mashkull kosovar ka raportuar se bashkëshortja e tij, e dyshuara femër kosovar me të cilën është në proces divorci, ka ushtruar dhunë psikologjike ndaj tij. Palët janë intervistuar dhe me vendim të prokurorit janë liruar në procedurë të rregullt.
Podujevë / 23.02.2025 – 14:30. Viktima femër kosovare ka raportuar se ndihet e rrezikuar dhe po përcillet nga bashkëshorti i saj i dyshuari mashkull kosovar, me të cilin është ndarë. Palët janë intervistuar dhe me vendim të prokurorit rasti vazhdon në procedurë të rregullt.
Rahovec / 23.02.2025 – 13:30. Është arrestuar i dyshuari mashkull kosovar pasi i njëjti kishte sulmuar fizikisht familjarët e tij. Me vendim të prokurorit i dyshuari është dërguar në mbajtje.
Mitrovicë Veri / 23.02.2025 – 20:15. Viktima femër kosovare ka raportuar se bashkëshorti i saj i dyshuari mashkull kosovar ka ushtruar dhunë psikike ndaj saj. Palët janë intervistuar dhe me vendim të prokurorit, viktimës i është lëshuar urdhër mbrojtës ndërsa rasti inicohet në procedurë të rregulltë.
