Sekretari i sapoemëruar i Mbrojtjes i Donald Trump u ka thënë aleatëve në udhëtimin e tij të parë ndërkombëtar se SHBA-ja nuk është më “kryesisht e fokusuar” në sigurinë evropiane dhe se Evropa do të duhet të marrë drejtimin në mbrojtjen e Ukrainës .
Pete Hegseth, duke folur me ministrat e mbrojtjes në një takim gjatë drekës në Bruksel, ka thënë se Evropa duhet të sigurojë “pjesën dërrmuese” të ndihmës së ardhshme ushtarake për Kievin – dhe të pranojë se rivendosja e kufijve të Ukrainës para 2014 ishte joreale.
Shefi i Pentagonit ka thënë se ai është ” aty për të shprehur drejtpërdrejt dhe pa mëdyshje se realitetet e qarta strategjike pengojnë që Shtetet e Bashkuara të Amerikës të fokusohen kryesisht në sigurinë e Evropës”, megjithëse gjuha ishte zbutur dukshëm nga një draft i prezantuar paraprakisht për shtypin ku ishte thënë se SHBA nuk do të jetë më “garantuesi kryesor i sigurisë në Evropë” dhe ku sugjeronte një riformulim të aleancës 75-vjeçare të NATO-s , e krijuar pas Luftës së Dytë Botërore për të mbrojtur Evropën Perëndimore nga blloku sovjetik.
Por në një fjalim në grupin e kontaktit të Ukrainës të ministrave të mbrojtjes në Bruksel, të kryesuar nga sekretari i mbrojtjes i Mbretërisë së Bashkuar, John Healey, ai e zbuti gjuhën, një ditë para se të marrë pjesë në samitin e tij të parë të ministrave të mbrojtjes të NATO-s.
Hegseth ka thënë se SHBA është duke i zhvendosur prioritetet e saj ushtarake në mbrojtjen e atdheut dhe frenimin e Kinës, si dhe u ka bërë thirrje anëtarëve evropianë të NATO-s që të rrisin buxhetet e mbrojtjes në 5% të PBB-së për të mbrojtur më mirë kontinentin.
Si shembull, Hegseth ka thënë se Evropa “duhet të sigurojë pjesën dërrmuese të ndihmës së ardhshme vdekjeprurëse dhe jovdekjeprurëse për Ukrainën” në të ardhmen, megjithëse ai nuk ka thënë se SHBA-ja do të ndaloj të gjithë ndihmën e saj ushtarake, e cila ka qenë kritike për të ndihmuar Kievin për t’i rezistuar pushtimit rus.
Ai gjithashtu ka përsëritur qëndrimin e Trumpit se “ndalimi i luftimeve dhe arritja e një paqeje të qëndrueshme” në Ukrainë është një përparësi kryesore dhe se Kievi duhet të pranojë se nuk mund të rifitojë të gjithë tokën e pushtuar nga Rusia.
“Ne duhet të fillojmë duke pranuar se kthimi në kufijtë e Ukrainës para 2014 është një objektiv jorealist,” ka thënë Hegseth, duke skicuar një pozicion fillestar për çdo negociatë paqeje me Rusinë.
“Ndjekja e këtij qëllimi iluzion vetëm do të zgjasë luftën dhe do të shkaktojë më shumë vuajtje,” ka shtuar ai, megjithëse kjo mund të interpretohet si njohje efektive e aneksimit të Krimesë dhe pjesëve të mëdha të Donbasit nga Rusia.
Kievi do të mund të arrijë paqen vetëm përmes “garancive të forta të sigurisë”, por Hegseths ka përjashtuar anëtarësimin në NATO të Ukrainës. Në vend të kësaj, paqja do të duhej të sigurohej nga “trupa të afta evropiane dhe joevropiane”, të cilat ai ka theksuar se nuk do të vijnë nga SHBA-ja.
Çdo trupë britanike ose evropiane që kanë përfunduar të zhvendosur në Ukrainë nuk do të mbulohen nga një pjesë e një misioni të NATO-s ose nuk do të mbulohen nga garancia e nenit 5 të aleancës”, ka shtuar Hegseth, që do të thotë se ata në fakt do të vareshin nga ndihma e shteteve pjesëmarrëse.
Megjithëse Hegseth ka parashtruar disa pozicione për arritjen e paqes në Ukrainë, pak ekspertë besojnë se ka pasur ndonjë përparim serioz diplomatik.
Rusia, e cila po fiton terren në fushën e betejës, mbetet e prirur për të nxitur avantazhin e saj dhe ka kërkuar që Ukraina të lëshojë një territor të mëtejshëm dhe efektivisht të çmilitarizohet si pjesë e një marrëveshjeje.
Në fillim të kësaj jave, presidenti i Ukrainës, Volodymyr Zelenskyy, ka thënë për The Guardian se Evropa nuk ishte në gjendje të ofronte garanci të qëndrueshme sigurie për Kievin pa përfshirjen e SHBA-ve.
“Garancitë e sigurisë pa Amerikën nuk janë reale,” ka thënë ai.
Një forcë parandaluese shumëkombëshe me bazë në Ukrainë pas një armëpushimi do të duhet të kishte 100,000 deri në 150,000 trupa” ka shtuar Zelenskyy, edhe pse kjo do të ishte shumë më e vogël se 600,000 trupat ruse në Ukrainën e pushtuar.
Hegseth ka shpjeguar se largimi nga Evropa ishte i nevojshëm sepse SHBA-ja është duke u përballur me kërcënime konsekuente dhe ishte e fokusuar në sigurinë kufitare.
Në të njëjtën kohë, ai ka shtuar se “po përballemi po ashtu me konkurrencë të madhe me Kinën komuniste, që është në gjendje të kërcënoj territorin e Amerikës dhe ka interesa të mëdha në Indi-paqësor”.
“SHBA-ja po i jep përparësi parandalimit të luftës me Kinën në Paqësor, duke njohur realitetin e mungesës dhe duke bërë shkëmbimet e burimeve për të siguruar që parandalimi të mos dështojë. Ndërsa Shtetet e Bashkuara po e zhvendosin vëmendjen e tyre ndaj këtyre kërcënimeve, aleatët evropianë duhet të udhëheqin nga fronti”, ka deklaruar ai.
