Në këtë vend e ka ndalesën e radhës.
Por kjo pjesë po vlerësohet se është goxha afër rrugës kryesore që lidh Prishtinën me Podujevën.
E këtë, njëri nga pronarët e autobusëve të Podujevës, po e sheh si jo ligjore.
“Këtu udhëtarët i morën në rrugën kryesore as 10 metra prej rrugës kryesore që po shihet këtu edhe pamja. Këtu i merr afër me 80 centë, ata nuk po hypin me neve, na nuk kemi mundësi me i bartë me 80 centë 12 orë qysh ua ka subvencionu komuna. Dy kompani vec e kanë ndërpre krejt, unë e di që kjo është e mirë për qytetarët por neve si kompani që kemi punu që 25 vite, 8 vite pas luftës arsimtarët i kemi bartë pa pagesa hiq, kemi bartë policë, ushtarë dmth pa pagesa hiq”, thotë Sadat Kortolli, pronar i “Vëllazërimi Tours”.
Si pasojë e vendimit që ka marrë Komuna e Prishtinës duke krijuar sistem të unifikuar të trafikut urban, në Komunën e Podujevës kanë falimentuar deri tani dy kompani të autobusëve.
“Po e kemi ndalë sepse Komuna e Prishtinës ka lëshu linjat urbane deri në Lupç, deri në Sharban e Koliç e nuk ka mbet më punë për neve…. Nuk ka për çka, ska punë më sepse tani ka rënë numri i udhëtarëve se trafiku urban ka kushte më të mira, edhe Koliçin e kemi pas, Bollopojë. Tash Bollopoja ka shku me trafik urban dhe nuk ka më punë”, Bedri Uka.
Kërkesë e tyre është që të bëhet subvencionimi ndaj këtyre kompanive në Podujevë.
“Është problem sepse nuk jemi duke ia dalur me të ardhurat tona por nëse shteti vendos me na subvencionu sikur ata atëherë për neve është më lehtë dhe kishte me qenë më mirë se nuk kishte pas më probleme, përndryshe qysh kanë falimentu dy firma kanë me shku dalëngadalë të gjitha sepse ne”, thotw Blerim Hyseni, pronar i “Besi Tours”
Nga Komuna e Podujevës thonë se mundësia për një zgjidhje është e vogël, mirëpo shpresa për subvencionim nga shteti ende ka.
“Ne jemi taku disa herë me ata, kemi bashkëbisedu, mirëpo mundësia jonë me iu bë zgjidhje atyre është shumë e vogël për mos të themi hiq sepse është kompetencë e krejt dikujt tjetër. Kemi fillu të punojmë në këtë drejtim që edhe ne linjat tona urbane periferike t’i subvencionojmë, sepse tashmë edhe te ne në linjat tona që i menaxhojmë ne si komunë kanë fillu me u paraqit problemet e njëjta sikur në Prishtinë”, ka thënë Bahri Selimi- drejtor i Shërbimeve Publike në Podujevë.
TËVË1 ka tentuar të flasë edhe me drejtorin e shërbimeve publike në Prishtinë, Bekim Brestovci, mirëpo i njëjti nuk ka qenë i qasshëm.
