Pjesë e kësaj greve janë edhe punëtorër e distriktit të Mitrovicës.
Me pankarat “Të ngriten PAGAT, mos të acarohet gjendja”, punëtorë të shumtë të EDS/Kesco kanë hyrë në grevë disa orëshe.
Ndërsa kryetari i Sindikatës për distriktin e Mitrovicës, Avdulla Veseli për teve1.info ka thënë se ngritja e pagave kërkohet ngase janë rritur çmimet.
Tutje Veseli theksoi se nëse nuk ka ndonjë reagim për ngritje të pagave ata do të vazhdojnë grevë të përgjithshme.
“Kërkesat tona janë imediate, ngritja e pagave shkaku që janë ngritë çmimet dhe është ngritë energjia elektrike dhe menaxhmenti nuk ka reaguar për të ngritur pagat dhe na ka detyruar me çdo kusht me hy në grevë dhe kjo është një grevë paralajmëruse, edhe neser kemi një grevë paralajmëruse 3 orëshe dhe pas kësaj greve do të hyjmë në grevë të përgjithshme. Pra nese nuk ka ndonjë reagim për ngritjen e pagave ne do ta vazhdojmë grevën e përgjithshme”, deklaroi ai për teve1.info
Kujtojmë, që sot punëtorët e KEDS/Kesco kanë mbajtur grevë disa orëshe me kërkesën për ngritjen e pagave në vlerë prej 100 euro.
Ndërsa Federata e Sindikatave të Pavarura “Elektrokosova” i ka bërë thirrje menaxhmentit që të reflektojë.
Greva do të vazhdoj edhe nesër duke filluar nga ora 8:30 deri në orën 11:30.
