Një person është intervistuar lidhur me lëshimin për qarkullim të Urës së Badocit pa u kryer testimi final.
Në raportin ditor, Policia e Kosovës ka bërë të ditur se hetimet po zhvillohen në drejtim të veprës penale “Mbikëqyrja e pandërgjegjshme e trafikut publik”.
Ura e Badocit u lëshua për qarkullim në fillim të vitit, por u mbyll pasi nuk u krye testimi final i strukturës së saj.
Ndërkaq, për këtë kishte reaguar zëvendësministri i Infrastrukturës, Hysen Durmishi, i cili pati thënë se testimi është vetëm formal sepse ura është stabile.
“Ura e Badocit ështe projektuar e ndertuar me standardet më te larta të projektimit e ndertimit. Gjatë të gjitha fazave janë kryer inspektimet profesionale, përfshirë ketu atestet parakrake të materialeve, testimet të vazhdueshme të betonit e armaturës deri në finalizimin e saj. Prandaj me përgjegjësi të lartë profesionale deklaroj se Ura e Badocit është shumë stabile. Gjatë gjithë këtyre diteve aty kan kaluar shumë makineri me pesha të rënda pa asnjë problem për Urën, e këtë do ta dëshmojë edhe testimi formal që do të bëhet nesër”, ka shkruar Durmishi. /teve1.info/
