Presidenti francez Emmanuel Macron, ka propozuar krijimin e një unioni të ri për vende që aspirojnë BE-në. Ndërsa kancelari gjerman Olaf Scholz e ka quajtur propozimin interesant, por që ka insistuar në zgjerimin e Bashkimit Evropian.
Njohësi i çështjeve politike Visar Xani thotë se ka pasur një numër të madh idesh si kjo e presidentit Macron.
Këto janë ide të vendeve të fuqishme brenda Bashkimit Evropian. Qëllimi i krejt këtyre ideve është që të marrin primatin brenda Bashkimit Evropian, si Gjermania si Franca po ashtu… kemi shumë ide, kemi më shumë se 50 ide dhe kërkesa për ndryshime të traktit. Kjo vjen si pasojë e ndryshimeve në aspektin e teknologjisë, në aspektin klimatik dhe aspekteve tjera të nevojshme që varësisht prej nevojave dhe vendet anëtare i kanë bërë kërkesat për ndryshim të traktit.
Ndërsa politologu Fidan Ukaj, thotë se ky propozimi i presidentit francez tregon për skepticizimin e Francës rreth zgjerimit të BE-së.
Ideja për themelimin e një iniciative të re që t’i bashkohen vendet e Ballkanit Perëndimor, aty ai tha që duhet t’i bashkohet edhe Ukraina ose edhe Britania e Madhe, kjo tregon që Franca është skeptike për zgjerimin e Bashkimit Evropian drejt Ballkanit Perëndimor, Ukrainës dhe vendeve të tjera të cilat kanë ambicie t’i bashkohen Bashkimit Evropian. Kjo tregon edhe mos-unitet e thatë me të drejtë brenda unionit evropian.
Mungesa e këtij uniteti brenda BE-së ka pamundësuar edhe liberalizimin e vizave për Kosovën, ndonëse vendi ynë ka plotësuar të gjitha kriteret e kërkuara.
