Prokuroria e Ferizajt ka njoftuar se gjatë vitit 2024 ka ngritur 231 aktakuza për veprën penale “Dhuna në familje”.
Në njoftim thuhet se 214 prej këtyre rasteve kanë qenë të gjinisë femërore, ndërsa 61 raste të gjinisë mashkullore.
Po ashtu, thuhet se gjatë vitit 2024, janë parashtruar 56 kërkesa për caktimin e masës së paraburgimit në Gjykatën kompetente.
“Prokuroria Themelore në Ferizaj, do të vazhdojë t’i trajtoj me seriozitet të gjitha rastet e dhunës në familje, duke ndërmarrë të gjitha veprimet e nevojshme për të parandaluar dhe luftuar veprat penale të kësaj natyre”, thuhet në njoftim.
