Kandidati për deputet nga rradhët e LDK-së, Arben Gashi, ka deklaruar se Kosova pas 4 viteve të qeverisjes së kryeministrit Albin Kurti është më e zhgënjyer se kurrë.
Sipas Gashit kryeministri Kurti po çirret me zë të lartë sepse nuk ka asgjë për të treguar dhe sepse fundi i tij po afrohet.
Ai ka shtuar se Kurti është i korruptuar, i paaftë dhe i vetëdijshëm që qytetarët do ta ndëshkojnë për dështimet e tij.
“Albin Kurti po çirret sepse nuk ka asgjë për të treguar. Pas 4 viteve si kryeministër, Kosova është më e zhgënjyer se kurrë. Çirret me zë të lartë sepse: Skandali Marin Berisha po i del nga kontrolli, 35 milionë euro u zhdukën në KEK nga Nagip Krasniqi, çmimi i energjisë elektrike u dyfishua, rezervat shtetërore u vodhën dhe Rozeta e skandaleve po del në pah, çmimet e miellit, vajit e sheqerit u dyfishuan, 3200 tenderë me një burim po mbulohen me britma të kota, sanksionet ndërkombëtare po izolojnë Kosovën. Kurti nuk ka pika as vizion për të folur si kryeministër. Ai është i korruptuar, i paaftë dhe i vetëdijshëm që qytetarët do ta ndëshkojnë për dështimet e tij. Çirret sepse fundi i tij po afrohet! Kosova meriton ndryshe! #BehuNdryshimi”, ka shkruar Gashi në Facebook.
