Dy persona janë arrestuar të shtunën në Lipjan si të dyshuar për posedim, shpërndarje dhe shitje të paautorizuar të narkotikëve.
Sipas raportit policor gjatë kontrollit te njëri i dyshuar janë gjetur dhe konfiskuar 10 qese te vogla me marihuanë të përgatitura për shitje.
Po ashtu bëhet e ditur se Policia ka bastisur edhe shtëpinë e të dyshuarit të dytë pasi që dyshohet se i njëjti e kishte angazhuar të dyshuarin e lartcekur për shitjen e narkotikëve.
“Janë arrestuar dy te dyshuar meshkuj kosovar pasi që gjatë kontrollit te njëri i dyshuar janë gjetur dhe konfiskuar dhjetë(10) qese te vogla me marihuanë të përgatitura për shitje. Është bastisur edhe shtëpia e të dyshuarit të dytë pasi që dyshohet se i njëjti e kishte angazhuar të dyshuarin e lartcekur për shitjen e narkotikëve. Pas përfundimit te intervistimit me vendim të prokurorit kujdestar, të dyshuarit janë dërguar në mbajtje për 48 orë”, thuhet në raportin 24-orësh të PK-së.
