Analisti Xhevdet Pozhari e ka vlerësuar organizimin dhe siç ka thënë ai kulturën e treguar nga partitë politike në ditën e parë të hapjes së fushatës zgjedhore për zgjedhjet parlamentare të 9 shkurtit.
Pozhari duke analizuar tubimet e VV-së në Gjakovë dhe PDK e LDK-së në Prishtinë tha se kishin tubime të jashtëzakonshme.
Megjithatë, Pozhari në emisionin “Këndi i Debatit” në Tëvë1, tha se pos Vetëvendosjes, vetëm AAK mund ta mbush sallën në Gjakovë.
Ai ka thënë se kjo e bënë një fillim të mbarë të fushatës për VV-në, por sipas tij tubime të jashtëzakonshme kishin edhe PDK e LDK.
“Në Gjakovë nëse sallën mundet ta mbush dikush si VV nuk është as PDK-as LDK, mund të jetë vetëm e AAK në bazë të rezultateve të deritashme në zgjedhjet parlamentare dhe lokale. VV kishte një atmosferë jashtëzakonisht të madhe për Gjakovë. Me pa kështu një sallë të mbushur ku pjesa dërmuese ka qenë qytetar të Gjakovës, mendoj se ishte një fillim i mbarë. Kjo nuk do të thotë që nuk patën tubime jashtëzakonisht të mira edhe partitë e tjera, siç janë PDK dhe LDK. Mbi të gjitha më pëlqeu kultura evropiane që ne tregojmë, vetëdija që ne i organizojmë zgjedhjet dhe uroj që kjo të vazhdojë”, ka thënë Pozhari.
Ai ka thënë se në Gjakovë, Vetëvendosje po i dërgon AAK-së mesazh sa i përket kalimit të pragut.
“Në Gjakovë, AAK po i dërgon sinjal Aleancës se më përkrahjen që jam tu e marrë, pragu për ty do të jetë më i lartë sesa që ti e mendon”.
