Zëvendësministri i Drejtësisë, Blerim Sallahu, ka deklaruar se Komisioni Qendror i Zgjedhjeve ka shkelur ligjin me ndarjen e numrit për subjektin politik Lista Serbe për zgjedhjet e 9 shkurtit.
Sipas Sallahut KQZ-ja është dashur të presë vendimin përfundimtar të PZAP-së për ankesën e LVV-së kundër vendimit të KQZ-së lidhur me certifikimin e Listës Serbe.
“KQZ- shkelë serish ligjin! Lëvizja VETËVENDOSJE! ka bërë ankesë ne PZAP- kundër vendimit të KQZ-së lidhur me certifikimin e listës serbe. Në bazë të nenit 130 të Ligjit për Procedurën e Përgjithshme Administrative, akti administrativ pezullohet përderisa të vendoset ankesa në organin më lartë, në rastin konkret, në PZAP. Kqz ka shkelur ligjin me rastin e ndarjes së numërit për subjektin politik Lista Serbe, duke mos pritur vendimin përfundimtar të PZAP-së”, ka shkruar ai në Facebook.
Në shortin për renditjen e partive politike të hedhur nga KQZ-ja të hënën, Lista Serbe ka numrin 112.
Kjo është renditja e subjekteve politike për zgjedhjet e 9 shkurtit
