Buja në emisionin “ResPublika” në Tëvë1 deklaroi se nëse bëhet një gjë e tillë atëherë ekzistoni rreziku që të mund të bëhen dy Republika Srbska brenda Kosovës.
“Nëse Asociacioni do të bëhet me kompetenca ekzekutive është një shpallje e pavlefshme e Kosovës sepse mund të bëhen dy Republika Serbska brenda Kosovës dhe kjo gjë është shqetësuese. Prandaj kështu që këto gjëra i kemi biseduar dhe nuk jemi assesi pro asaj që Asociacioni i Komunave Serbe të jetë me kompetencë ekzekutive”, tha ai.
Buja tutje gjatë intervistës me Zijadin Gashin theksoi se qeverisa aktuale do të ishte mirë që të mendoj më arsyeshëm dhe të afroj afër vetës personat që mund t’i shërbejnë të mirës së negociatave.
“Qeveria aktuale do të ishte mirë që ta mendoj më arsyeshëm, më logjikshëm dhe më ftoftë në mënyrë që të gjitha kapacitete që mund t’i shërbejnë të mirës së negociatave t’i ofrojnë afër pavarësisht se si dhe kujt i përkasin. Por megjithatë duket se qeveria aktuale po i mjafton vetvetes dhe uroj që të jetë kështu, që nuk kanë nevojë për kapacitete ndihmëse. Por problematika aq serioze është, faktikisht që të mos zgjidhet e përzgjidhet se kush kah është ose të anësohet ose të anatemohet, por të mendohet se kush mund t’i kontribuoj kësaj çështje më shumë që të zgjidhet ashtu siç duhet”, tha nënkryetari i PDK-së, Ramë Buja.
