Një person që dyshohet se nën ndikim të alkoolit kishte shtënë me armë nga vetura e tij është arrestuar të shtunën në mbrëmje.
Sipas raportit të Policisë rasti ka ndodhur në në Veternik të Prishtinës derisa i dyshuari ka qenë duke lëvizur me veturë.
I njëjti thuhet se ka shtënë me armë zjarri në ajër disa herë e më pas e ka hedhur armën nga vetura dhe është larguar nga vendi i ngjarjes.
Po ashtu bëhet e ditur se në vendin e ngjarjes janë gjetur dhe konfiskuar një pistoletë dhe një gëzhojë e fishekut.
“Është arrestuar i dyshuari mashkull kosovar për shkak se derisa kishte qenë duke lëvizur me veturë kishte shtënë me armë zjarri disa herë në ajër dhe më pas në largim e sipër nga ai vend e kishte hedhur armën nga vetura dhe ishte larguar nga vendi i ngjarjes në drejtim të panjohur. Njësitë relevante policore kanë dalë në vendin e ngjarjes ku kanë gjete dhe konfiskuar një pistoletë dhe një gëzhojë të fishekut. I dyshuari nuk është intervistuar për shkak se kishte qenë nën ndikim të alkoolit dhe i njëjti me vendim të prokurorit është dërguar në mbajtje”, thuhet në raportin 24-orësh të PK-së./teve1.info/
