Ministrja e Punëve të Jashtme, Donika Gërvalla ka shprehur ngushëllime për viktimat nga sulmi në tregun e Krishtlindjeve në Magdeburg të Gjermanisë.
Në një postim në platformën “X”, ajo ka thënë se populli i Kosovës është i tronditur dhe i shtangur nga sulmi i poshtër në një treg paqësor të Krishtlindjeve në Magdeburg.
“Lutjet tona janë me viktimat dhe familjet e tyre. Kjo dhunë çnjerëzore duhet luftuar me vendosmëri. Mendimet tona janë me viktimat dhe familjet e tyre. Populli i Kosovës është i tronditur dhe i pafjalë për këtë akt të ulët që ndodhi në një treg të qetë Krishtlindjesh në Magdeburg”, ka shkruar Gërvalla.
Ndryshe, dy persona janë vrarë, duke përfshirë një fëmijë, dhe dhjetëra janë plagosur pasi një makinë u përplas me një turmë në një treg Krishtlindjesh në qytetin lindor të Gjermanisë, Magdeburg./teve1.info/
