Legjenda e futbollit, braziliani Ronaldo po synon të bëhet president i Federatës së Futbollit të Brazilit.
Ronaldo 48-vjeçar, ka synime të mëdha si kryetar pasi tashmë ka zyrtarizuar kandidaturën dhe dëshiron ta kthejë Brazilin në majën e futbollit botëror.
“Kam 100 arsye, por kryesorja është që ta kthejmë respektin për futbollin e Brazilit në botë”, ka thënë Ronaldo për mediumet braziliane.
Në krye të federatës braziliane është Ednaldo Rodrigues, të cilin Ronaldo po synon ta zëvendësoj në marsin e vitit 2026 kur të mbahen zgjedhjet, por për ta bërë një gjë të tillë ish-sulmuesit i duhet përkrahja nga të gjitha federatat regjionale në Brazil, që kanë shumicën e votave.
Ronaldo ka paralajmëruar se ka plane të jashtëzakonshme, të cilat do ti prezantoj gjatë muajve të ardhshëm duke udhëtuar përreth Brazilit.
Ronaldo ka fituar titullin e botës me Brazilin në vitin 1994 dhe 2002, ndërsa në 98 ndeshje të luajtura me kombëtaren braziliane, ai ka shënuar 62 gola.
Në nivel klubesh, Ronaldo ka luajtur për Cruzeiron, PSV Eindhovenin, Barcelonën, Interin, Real Madridin, Milanin e Corinthiansin.
Aktualisht, Ronaldo është pronar i skuadrës nga La Liga spanjolle, Real Valladolid.
