Futbollisti i skuadrës së Vushtrrisë, Erjon Morina, ka vdekur të enjten pasi për më suhmë se një muaj ishte në gjendje të rëndë shëndetësore në Klinikën Intensive.
Vdekjen e 22-vjeçarit, e ka konfirmuar babai i tij, Iliri me anë të një postimi në Facebook.
“Ylli i babit ike në qiell. Na thave zemrat Erjon! Do jetojmë të ngrysur me kujtimet më të bukura për ty! Do të jesh ylli që do na ndriç gjithmonë”, ishin fjalët e Ilir Morinës pas vdekjes së Erjonit.
Në fund të muajit tetor, Morina kishte mbetur i shtrirë në fushë gjatë stërvitjeve me Vushtrrinë dhe që nga ajo kohë, ai ka qenë i shtrirë në Klinikën Intensive.
Para Vushtrrisë, Morina ka luajtur edhe te Prishtina, Llapi e Drenica.
