Pak pas eliminimit nga Kupa e Kosovës në basketboll, skuadra e Pejës ka njoftuar se ka ndarë rrugët me trajnerin Daniel Nelson.
Peja u eliminua në fazën çerekfinale të Kupës së Kosovës pasi në ndeshjen e kthimit u mposht nga Sigal Prishtina në kryeqytet, duke i dhënë fund herët aventurës në këtë garë.
ADVERTISEMENT
Në njoftimin e Pejës thuhet se me marrëveshje të dyanshme kanë ndërprerë bashkëpunimin me trajnerin Nelson, të cilin e kanë falënderuar për punën dhe i kanë dëshiruar suksese në të ardhmen.
Nelson u angazhua te Peja në fillim të muajit tetor duke zëvendësuar Rami Hadarin, por nuk qëndroi në krye të ekipit pejan as dy muaj të plotë.
Gjithashtu, Peja ka thënë se së shpejti do të gjejë zëvendësimin për trajnerin Nelson.
