Bayer Leverkuseni mposhti 1:0 Interin për t’ia shkaktuar ekipit italian humbjen e parë në Ligën e Kampionëve në xhiron e gjashtë të fazës së ligës.
Leverkuseni golin e shënoi në minutën e 90-të me anë të Nordi Mukieles, ndërsa Granit Xhaka ishte i pazëvendësueshëm duke e kompletuar një ndeshje tjetër me një paraqitje të madhe.
Ekipi gjerman tashmë i ka tubuar 13 pikë dhe me dy fitore në dy xhirot e fundit, do të kualifikohet direkt në 1/8 e finales, gjë që është edhe synimi i Leverkusenit, ka pranuar Xhaka.
“Kemi pritur për rastin e vetëm që e kishim në ndeshje dhe përfituam prej tijSynimi tani definitivisht është të jemi në top-tetë. Jemi në pozitë shumë të mirë, ndërsa i kemi edhe dy ndeshje të rëndësishme. Shpresojmë se do t’i fitojmë të dyja”, ka theksuar Xhaka.
Dy ndeshjet e ardhshme në Champions, Leverkuseni i luan muajin tjetër, ku do të përballet me Atletico Madridin dhe Spartën e Pragës.
