Përmes një njoftimi për media nga Presidenca kanë bërë të ditur se gjatë vizitës në San José, Osmani do të takojë udhëheqësit shtetëror të Kosta Rikës, presidentin e zgjedhur Chaves si dhe do të realizojë takime bilaterale me krerë të shteteve tjera.
“Gjatë vizitës zyrtare në Panama dhe vizitës aktuale në Kosta Rika, Presidentja Osmani po realizon një sërë aktivitetesh për të promovuar potencialin ekonomik të Kosovës, për të thelluar marrëdhëniet miqësore me shtetet mike në Amerikën Latine, si dhe për të rritur mbështetjen për anëtarësim në organizata ndërkombëtare”, thuhet në njoftim.
Kujtojmë se presidentja e vendit, Vjosa Osmani është duke vazhduar vizitat e saj zyrtare jashtë shtetit. /teve1.info/
