Eksperti në fushën e sigurisë kibernetike, Mentor Hoxhaj, ka thënë se Qeverisë së Kosovës i mungojnë mjetet e komunikimit të cilat sipas tij ofrojnë siguri gjatë bisedimit.
Hoxhaj ka shtuar se kjo është për shkak të mosdijes së Qeverisë dhe jo për shkak të mungesës së mundësive apo njerëzve të cilët dijnë ta rregullojnë këtë çështje.
Ai ka deklaruar kështu pasi sipas tij aktualisht presidentja Osmani dhe kryeministri Kurti bisedojnë me telefona të cilët janë të hapur dhe s’kanë asnjë mjet të sigurisë.
“Cili është mjeti i teknologjisë së komunikimit me të cilin momentalisht bisedojnë presidentja dhe kryeministri? Me telefona të cilët janë plotësisht të hapur dhe nuk kanë asnjë mjet të sigurisë. Qeveria e Kosovës duhet të ketë mjete komunikimi të cilat ofrojnë siguri maksimale në rastin e bisedimit dhe kjo mundësi momentalisht iu mungon. Nuk kemi të bëjmë me mosofrimin e mundësive dhe njerëzve që din sesi të rregullohet kjo çështje por kemi të bëjmë më shumë me mosdije nga niveli vendimarrës”, ka thënë ai në emisionin “ Këndi i Debatit”, në Tëvë1.
