Kërkesa për rritje të pagave dhe respektim të Kontratës Kolektive, solli protestën e dytë të Sindikatës së Bashkuar të Arsimit dhe Shkencës. Në rast të mospërmbushjes së kërkesave të tyre, paralajmëruan edhe grevë.
Parulla “Qeveri, realizo kërkesat tona, parandalo veprimet tjera sindikale”, priu në protestën e Sindikatës së Bashkuar të Arsimit dhe Shkencës.
Protesta filloi nga Biblioteka Kombëtare, duke vazhduar drejt Ministrisë së Arsimit dhe Qeverisë.
Nga aty u kritikua e para e ministrisë së Arsimit, për mospërfaqësim të interesave të punëtorëve të arsimit.
Në mesin e protestuesve pati kryetarë të shoqatave sindikale nga çerdhet, shkollat dhe universitetet.
Ata kërkuan rritje të pagës dhe respektim të Kontratës Kolektive.
Në rast të mosreflektimit të ekzekutivit karshi këtyre kërkesave, SBASHK-u nuk e përjashtoi mundësinë e hyrjes në grevë.
