Sulmuesi Mohamed Salah po e luan sezonin e tij të fundit te skuadra e Liverpoolit.
Pas fitores së Liverpoolit 2:0 ndaj Manchester Cityt, ku Salah shënoi një gol dhe asistoi në tjetrin, ka thënë se kjo ishte ndeshja e tij e fundit në “Anfield Road” kundër kampionit të Anglisë.
Mësohet se Salah tashmë ka nisur negociatat me Paris Saint-Germainin, pasi drejtuesit e Liverpoolit ende nuk i kanë ofruar rinovimin e kontratës që skadon në verë.
“L’Equipe” ka raportuar të hënën se Salah do të jetë goditja e madhe në PSG-së në verë, pasi palët pothuajse kanë arritur marrëveshjen që do të bëhet zyrtare muajin tjetër.
32-vjeçari prej vitit 2017 është pjesë e Liverpoolit dhe në çdo sezon ka qenë njëri prej lojtarëve kryesor te skuadrës angleze.
Këtë sezon, Salah ka shënuar 13 gola dhe ka bërë 11 asistime në 20 paraqitje në të gjitha garat, ndërsa Liverpooli po vlerësohet favorit për ta fituar titullin e kampionit të Anglisë.
Aktualisht, Liverpooli është lider në Premier League me 34 pikë, nëntë më shumë se Arsenali dhe Chelsea që renditen në pozitat dy dhe tre pas 13-të javëve të zhvilluara në kampionatin anglez.
