I ftuar në emisionin “Info Nata”, Zyba deklaroi se qëllimi primar i PDK-së është që të mbyllë mundësinë për procedurat ligjore në mënyrë që të mos hetohet e kaluara e largët në sektorin e energjisë.
Këtë deklaratë, deputeti i Vetëvendosjes e dha teksa po komentonte formimin e dy Komisioneve Hetimore Parlamentare për energjinë, të cilat u votuan në seancë e së enjtes.
“PDK po i shmanget proceduarve gjyqësore dhe ligjit duke kërkuar format alternative për të mbyllur kapitujt për të kaluarën. Kërkesa dhe iniciativa e PDK-së, e them me kompetencë për aq sa e kam kuptuar jo vetëm si nuhatje por edhe si përjetim do të jetë në të ardhmen, se qëllimi i vetëm dhe primar i PDK-së me këtë kryetar ka qenë të mbyllet mundësia procedurale, ligjore që të hetohet në të kaluarën më të largët. Afati dhe mandati i një kërkese legjitime, për formuar një komision hetimor parlamentar”, tha ai.
Zyba më tej theksoi se VV e mirëpret secilin hetim, mirëpo sipas tij, nuk duhet përkufizuar vetëm në një 6 mujor të qeverisjes së tanishme por të hetohet edhe para saj.
“Inkurajoj secilin grup parlamentar jo vetëm që i takoj një grupi që e kemi për obligim të hetojmë edhe të kaluarën por edhe në këtë rast për opozitën e mirëpresim secilin hetim por nuk mund të pajtohem të përkufizohemi në një 6 mujor të një qeverisje e cila mandatin nuk e ka përgjysmuar ende”, tha ai.
Të enjten u formuan dy komisione hetimore, njëri i propozuar nga opozita për të hetuar menaxhimin e krizës energjetike me të cilën u përball Kosova këtë vit dhe tjetri i propozuar nga Vetëvendosja për të hetuar menaxhimin me sektorin e energjisë që nga viti 2006. /teve1.info/
