Presidentja e Kosovës, Vjosa Osmani ka thënë ka uruar 28 nëntorin ditën e shpalljes së pavarësisë së Shqipërisë, daljen publike të UÇK-së dhe ditëlindjen e komandanti legjendar Adem Jashari.
Ajo ka thënë se kjo datë është kujtim i sakrificave për të qenë të lirë e në paqe.
“Më 28 nëntor, nderojmë historinë, flamurin dhe identitetin kombëtar, duke riafirmuar përkushtimin tonë për fuqizimin e shteteve tona. 28 Nëntori nuk është vetëm simbol i betejave dhe triumfeve tona, por edhe kujtim i sakrificave tona për të qenë të lirë, në paqe dhe krenarë. 28 Nëntori është simbiozë e tri momenteve historike që e lartësojnë kombin tonë: ngritja e flamurit në Vlorë dhe shpallja e pavarësisë së Shqipërisë, dalja publike e UÇK-së dhe ditëlindja e komandantit legjendar Adem Jashari. Të bashkuar në zemër e shpirt, le ta festojmë këtë ditë me krenari”, ka shkruar Osmani.
