Kërçeli ka bërë të ditur se seanca plenare do të vazhdojë nga ora 15:00, shkruan teve1.info
“Pas thirrjes së kryeparlamentarit të shefave të grupeve parlamentare për konsulltime lidhje me formimin e komisionit hetimor për energjinë, është vendosur të krijohen dy komisionet hetimore edhe ai i propozuar nga opozita por edhe komisioni i propozuar nga mazhoranca. Në ora 15:00 vazhdon seanca plenare”, ka shkruar Kërçeli.
Se do të krijohen dy komisione hetimore e ka konfirmuar pak më parë për teve1.info edhe deputeti i AAK-së, Pal Lekaj.
“Në ora 15:00 do të propozohen 2 komisione dhe do ketë mocion procedural për formimin e tyre”, tha Lekaj.
Në seancën e sotme të Kuvendit, opozita dhe pozita nuk kanë mundur të gjejnë një gjuhë të përbashkët për formimin e Komisionit Hetimor për Energjinë.
Kjo situatë është përcjellur me shumë tension nga opozita, teksa të njëjtit kanë protestuar duke krijuar zhurmë dhe fishkëllima në Kuvend. /Teve1.info/
