Tahiri tha se nuk do të ketë normalitet parlamentar pa u themeluar komisioni hetimor për energjinë, raporton Teve1.info
“Ju e shihni se me çfarë vendosmërie ka tashmë pushteti i LVV-së dhe Albin Kurtit që të refuzojë dhe parandalojë themelimin enjë komisioni hetimor parlamentar për hetimin e shpenzimit të 125 milionë eurove… dhe shtrenjtimit të rrymës. Si grup i PDK-së, si iniciues të themelimit të këtij komisioni në asnjë rrethanë nuk do të tërhiqemi dhe nuk do të bimë pre e atij provokimi të paprecedent të pushtetit ku kërkon me korrigju kërkesën tonë”, ka thënë ai.
Sipas tij, kërkimi për hetim parlamentar për energjinë do të jetë i pashmangshëm.
“Ne kërkojmë hetim parlamentar dhe ka me qenë i pashmangshëm, nuk ka me pas normalitet parlamentar pa u themelu komisioni hetimor me arrit me i hetu këto dy çështje të rëndësishme. Në anën tjetër po na u mohohet një e drejtë fondamentale e opozitës, na garanton Kushtetuta”, tha Tahiri.
Ai thotë se përpos që LVV-ja po fsheh “këtë krim të jashtëzakonisht të madh po e minojnë edhe demokracinë”.
“Sot me kërku me çdo kusht në emër të kryesuesit në emër të një baze ligjore që nuk qëndron me kërku me blloku një iniciativë të tillë është e pa pranueshme. Përpos që po e fshehin këtë krim jashtëzakonisht të madh po e minojnë edhe demokracinë. Nuk ka arsye të qëndrojmë në Kuvend kur po na mohohet kjo e drejtë.”, dekaloi ai.
Seanca e Kuvendit është ndërprerë për shkak të protestës së opozitës e cila ka penguar fjalimet e deputetëve të LVV-së e ministrave si reagim për mos formimin e Komisionit hetimor për krizën me energjinë elektrike /teve1.info/
