Kryeministri i Maqedonisë së Veriut, Hristian Miskocki, tha se motivi kryesor për nënshkrimin memorandumeve dhe protokolleve me Kosovën ishte ai ekonomik, për një jetë më të mirë të qytetarëve të të dyja vendeve.
Mickoski qartësoi se marrëveshjet ishin të karakterit ekonomik, për energjetikë, për zhvillimin e bashkëpunimit, për shkëmbimin e energjetikës GAS, për pikat e kalimit e përbashkëta kufitare, si dhe arsimi dhe bashkëpunimi në këtë fushë.
“Është koha të flasim për ardhmërinë në vend që të flasim për të kaluarën. Qytetarët kanë probleme të përbashkëta dhe prandaj do të kemi zgjidhje të përbashkëta. Kemi vlera të përbashkët, që i ndajmë dhe i ndërtojmë”, tha Mickoski në një konferencë të përbashkët për medie me kryeministrin Kurti.
Lidhur me pyetjen për çështjet etnike, Mickoski tha se këto tema i hapin politikanët, të cilët nuk kanë ide reale për nevojat e qytetarëve, të cilët nuk dinë si ta tërheqin vëmendjen dhe në këtë mënyrë, përmes ekzibicionizmit politik vendosin të animojnë publikun.
“Kjo është ajo që na lidhë, kjo është ajo që në të ardhmen duhet të jetë shtesë në cilësinë e jetës së qytetarëve”, tha Mickoski, teksa shtoi se fjalimet e ministrave të të dy qeverive ishin inspirative.
