Prokuroria Themelore e Prishtinës është deklaruar lidhur me rastin e A.G, i cili është gjetur i vdekur në Prishtinë.
Nga prokuroria për tëvë1.info kanë thënë se nuk mund ta konfirmojnë shkakun e vdekjes, por se prokurori i shtetit në bashkëpunim me organet e tjera po e hetojnë këtë rast.
“Lidhur me rastin për të cilin keni kërkuar informata, Prokuroria Themelore në Prishtinë mund të konfirmoj se një person me inicialet A.G është gjetur i vdekur, kurse deri më tani nuk mund të konfirmojmë shkakun e vdekjes, mirëpo prokurori i shtetit në bashkëpunim me të gjitha organet tjera janë duke e hetuar këtë rast”, thuhet në përgjigjen e tyre.
Ndryshe, A.G është nipi i politikanit, Adem Grabovci.
Këtë e ka bërë të ditur vet Grabovci përmes një postimi në Facebook, duke njoftuar se varrimi i nipit të tij bëhet nesër në ora 14:00, në varrezat e fshatit Saradran të Istogut.
“Kur më la Nazi im, thash se mu përmbys jeta, e cila më godiste vazhdimisht në mënyra të dhimbshme. E kur ende jemi të thyer shpirtërisht e të pa pajtuar nga humbja e Tij, sot, Loni jonë mbylli sytë, për të na errësuar jetët tona përfundimisht. Duke ndjerë dhimbje të pa përballueshme, ju njoftojë se: Nesër me datë 16.11.2024, ditë e shtunë, në ora 14:00, Aulonit tonë, do i japim lamtumirën e fundit, në varrezat e fshatit Saradran të Istogut”, ka shkruar Grabovci.
