Ushqimet që hani kanë një rol shumë të fortë në përkeqësimin ose përmirësimin e simptomave të sëmundjeve të caktuara.
I tillë është edhe rasti i artritit, simptomat e të cilit ndikohen fort nga disa ushqime të ndryshme, të renditura në këtë artikull të AgroWeb.org
Produktet e bulmetit
Proteinat që gjenden tek produktet e bulmetit kanë tendencën të përkeqësojnë simptomat e artritit dhe reumatizmës.
Sipas të dhënave të agroWeb.org, njerëzit që vuajnë nga këto sëmundje kanë zakonisht një tolerancë të ulët ndaj qumështit.
Megjithatë, njerëzit reagojnë ndryshe ndaj këtij ushqimi.
Një studim i vitit 2015 zbuloi se qumështi zbut dhimbjet e gjurit tek gratë e prekura nga osteoartriti ndërsa djathi i përkeqëson ato.
Tregoni vëmendje ndaj ushqimit që keni ngrënë kur vëreni shtim të dhimbjeve të reumatizmës.
Të skuqurat
Ushqimet e skuqura e të përpunuara nxisin përhapjen e inflamacionit në organizëm.
Kjo ndodh për shkak të yndyrnave të ngopura të cilat duhen zëvendësuar me ato të pa-ngopura siç është vaji i ullirit.
Sheqeri
Sheqeri ka gjithashtu aftësi të nxisë përhapjen dhe shpërndarjen e inflamacionit në organizëm.
Ekspertët paralajmërojnë se në rastin e artritit dhe jo vetëm, rritja e glukozës shton simptomat e dhimbshme të sëmundjeve.
Mishi
Kaloritë dhe yndyrnat tek mishi shtojnë inflamacionin në organizëm.
Skuqja në temperatura të larta shkakton toksina që dëmtojnë proteinat në trup dhe inflamacioni jashtë kontrollit përkeqëson simptomat e artritit.
Mielli i bardhë
Mielli i bardhë, orizi i bardhë, patatet, buka dhe karbohidratet e përpunuara në përgjithësi janë të dëmshme për njerëzit që vuajnë nga artriti.
Ekspertët thonë se në vend të tyre, ju duhet të konsumoni drithëra të plota që nuk transformohen në sheqer sapo futen në organizëm.
Kafeja
Kafeja ka një rol ndikues të fortë tek reumatizma dhe artriti dhe është një nga pijet që, sipas studimeve, duhet shmangur medoemos, ose të paktën një filxhan në ditë.
Nëse vëreni se kafeja ju nxit dhimbjet, ekspertët thonë se në vend të kafesë, ju mund të konsumoni çajra të pasur me antioksidantë.
Alkoli
Alkoli është një pije që shkakton inflamacion dhe përdorimi i tepërt i tij rrit prodhimin e substancave inflamatore në trup.
Ekspertët rekomandojnë pirjen e një gote me pije alkolike në ditë për femrat dhe dy për burrat.
