Ekonomisti, Bashkim Mustafa ka thënë se nuk ka ndonjë risi në buxhetin e planifikuar për vitin 2025.
Mustafa ka thënë se ky buxhet nuk ofron qasje zhvillimore dhe sipas tij, nuk shihet ndonjë indikator të zhvillimit ekonomik.
Ai tutje, tha se arsimi, shëndetësia, ekonomia dhe industritë tjera kërkojnë trajtim serioz në zgjidhje të problematikave të grumbulluara.
“Nuk ka ndonjë risi edhe në buxhetin e planifikuar për vitin 2025, është vazhdimësi i viteve paraprake dhe nuk shihet ndonjë ndryshim esencial, aq me tepër që buxhetit të planifikuar i mungon ajo qasja zhvillimore. Mbi këtë bazë, rritja ka ekzistuar edhe më herët… Absolut nuk shihet ndonjë indikator që e prek indikatorë të zhvillimit ekonomik apo indikator potencial të qëndrueshëm dhe mbi këtë bazë po vazhdon praktika e marrjes së parasë nga taksapaguesit… I mungojnë shumë elemente esenciale për të cilat qytetarët kanë nevojë në ditët e sotme. Dhe ato që janë më të nevojshme arsimi, shëndetësia, ekonomia, industritë e tjera të cilat kërkojnë një qasje tjetër më serioze, një qasje që kërkon një trajtim profesional të problematikave të grumbulluara me vite…”ka thënë ai në emisionin “Ditari” në Tëvë 1.
Seanca e Kuvendit që është duke vazhduar ka vetëm një pikë në rend dite, që është shqyrtimi i buxhetit prej 3.6 miliardë eurosh.
Partitë opozitare, LDK, PDK dhe AAK janë deklaruar se nuk do ta votojnë buxhetin e Kosovës.
Por, nga partia në pushtet, Lëvizja Vetëvendosje kanë thënë se e kanë shumicën parlamentare për ta votuar buxhetin e Republikës për vitin e ardhshëm.
