Kapiteni i Kombëtares së Shëqipërisë, Berat Gjimshiti është vlerësuar për paraqitjen e tij ndaj Stuttgartit, ndeshje që Atalanta e fitoi 2:0 në kuadër të Ligës së Kampionëve.
Gjimshiti ishte ndër më të dalluarit në fushë tek ekipi italian dhe për këtë është përzgjedhur në formacionin më të mirë të xhiros së katërt të Championsit nga “SofaScore”.
Gjimshiti është vlerësuar me notën 8 dhe në formacion është përkrah lojtarëve si Luis Diaz i Liverpoolit e Raphinha i Barcelonës.
Gjimshiti u aktivizua gjatë tërë ndeshjes ndaj Stuttgartit, ndërsa për mbrojtësin e Kombëtares së Shqipërisë kjo ishte paraqitja e katërt në Champions, garë në të cilën ka shënuar edhe një gol.
Pas katër ndeshjeve të luajtura deri më tani në Ligën e Kampionëve, Atalanta zë vendin e tetë në tabelë me 8 pikë të mbledhura pasi ka regjistruar 2 fitore dhe po aq barazime.
